سفره النهارده سريعه جدا ومنجزه للناس اللي مالهاش مزاج تقف كتير في المطبخ وعايزه حاجه سريعه هنعمل طاجن مكرونه باللحمه ومعاه سلطه المشويات اللي كلنا بنحبها بطريقه مفيش اسهل من كده.

طاجن المكرونه

حله سخنه فيها معلقه سمنه وننزل عليها باللحمه المفرومه ولما يتغير لونها هنضيف التوابل فلفل مكعب مرقه قرفه رشه جوزه طيب توم بودر بصل بودر بابريكا وتقليبه وننزل عليها ببصلايه مبشوره واول ما يدبل ننزل بالتوم ومعلقه خل تقلبتين ونقفل

الصلصه

حله فيها معلقتين سمنه وبعد كده ننزل ب ٤ فصوص توم مفرومين واول ما ريحه التوم تطلع ننزل ب ٤ معالق كبار خل ومعلقه صغيره كزبره مطحونه ومكعب مرقه وننزل بالصلصه وظبطي الملح ورشه شطه ورشه سكر غلوتين ونقفل عليها
نحضر الطاجن ونحط اول طبقه لحمه بعد كده المكرونه متكونش مسلوقه من الكيس ع الطاجن وننزل عليها بالصلصه تكون سخنه جدا ونغطي المكرونه بالصلصه او ممكن تزودي ميه مغليه لو مش عايزه الطاجن يكون الصلصه فيه كتير ونغطي الطاجن بفويل ويدخل فرن سخن ع درجه حراره متوسطه لمده نص ساعه ونقفل عليه وتقلبيه في طبق التقديم ويتقدم بألف هنا

سلطه المشويات

بصل متقطع هننزل عليه بكمون وملح وشطه ونقلبهم مع بعض وننزل عليه بطماطم متقطعه وخيار و ٢ حبه طماطم مبشوره وزوديها ميه وسيبيها في التلاجه تكوني محضراها قبل التقديم بنص ساعه وهتطلعي منها احلي ميه سلطه واحلي سلطه مشويات زي اللي بناكلها بره.