التخطي إلى المحتوى
بسبب لهفتها وتهميش زوجها.. عروسة تامر حسني تشعل مواقع التواصل الإجتماعي
بسبب لهفتها وتهميش زوجها.. عروسة تامر حسني تشعل مواقع التواصل الإجتماعي

تصدرت عروسة مصرية فاجئها الفنان تامر حسني بحضور حفل زفافها متنكراً، مواقع التواصل الإجتماعي في مصر بعد تم تداول صور توضح دهشة العروسة وفرحتها عندما كشف تامر عن هويته، وكيف انها اقبلت للرقص معه وإبعاد الأطفال، الذين اقبلوا علي إلتقاط الصور معه، وضجت منصات التواصل بعد انتشار صورة العروسة مع تامر حسني، حيث عبر النشطاء عن آرائهم التي تفاوتت بين الغضب والدعم ايضاً، وفي هذا التقرير سنذكر لكم التفاصيل عن عروسة تامر حسني.

حضور تامر حسني حفل الزفاف

تنكر النجم تامر حسني لحضور حفل زفاف عروسين، حتي يفاجئهم بالغناء اثناء ليلة العمر، ونشر عبر حسابه الرسمي قائلا: “فاجئت آيه وهيمن حبايب قلبي اجمل عروسين وعملت نفسي مصور صحفي،📸و داريت وشي ورا الكاميرا، و لبست عدة الشغل ماسك و نظارة نظر 🥸عشان اوصل من الزحمه من غير ما حد يحس بيا مبرووووووووووووووك مليون مبروووووك فرحتك بالدنيا يا آيه ربنا يخليلك اجمل هيمن في الدنيا و عقبال الجميع”.

ردود افعال النشطاء علي فرح ايه مكرم

كتبت دينا: “متحكمش ع حد وهو فرحان جامد أو منهار من الزعل عشان فالحالتين هو بيتصرف بدون إدراك كامل بلاش فلسفة لما يجيلك تامر حسني فالفرح شوفي عقلك هيطير ازاى كانت حلوة اوى واحلى من اى عروسة بلاش نتكلم ف حاجات تزعل بنوتة يوم فرحها نكسر بخاطرها عشان رأي حضرتك اللى يوجع البطن ومالوش لازمة عيب والله”.

وغرد علي قائلا: “الناس مش لاقيه موضوع تشغل نفسها بي راحو اتكلمو علي مفاجاه تامر حسني و ازاي هي انبهرت اوي بي و جوزها واقف جنبها مع انه هو الي جايبهولها عشان بتحبه و رقصت معاه انتو ملكم اصلا و بعدين كلامي لاي راجل لو مثلا بتحب ابو تريكه. و جالك الفرح دا انت هتنسي ان في عروسة اصلا ليه ديما نهاجم الي علي مزاجنا و نحلل الي علي مزاجنا”.

وتداول رواد التواصل هذا المنشور: “شفت ڤيديوهات فرح اية مكرم واستوقفني كذا حاجة هو يعني ايه ابقى نفسي تامر حسني يجي فرحي ف كتر خيره يجي و راجل ذوق و يشكر الفرح كان تمام لحد ما تامر وصل كان فرح عروسة و عريس طبيعي و فجأة بقى فرح العروسة و تامر !! و العريس واقف على جنب”.

اقرأ ايضاً: من هي سلمي الزرقا محاربة السرطان التي ودعت الحياة بالشهادتين

واستكملو المنشور: “مبيظهرش الا لما تامر يشده يعزم عليه يرقص معاهم !! البنت نسيت ان في عريس اصلا و فضلت ماسكة ف ايد تامر و بتغنيله و كل ما حد يقرب منه ولا يصوره او يتصور معاه تتخانق معاه و و تزغرله و تزق في العيال الصغيره بطريقة مقرفة اللي هو ده جايلي انا ابعدو عنه مهو مش جاي يتجوزك حضرتك هو بيجبر خاطر ناس كتيير جداو من باب انه يبان فنان لطيف مش لأنك انتي فتاة احلامه مثلاً ؟؟”.

 

ودونوا قائلين: “لازقة فيه بطريقة غريبة ده باين في الڤيديوهات ان تامر نفسه حس انها اوڤررررر و اتحرج للراجل اللي معاكي ف بقى يمسك ايد العريس و يجيبه يرقص معاهم عشان المنظر !! الوضع كان صعب جداً الحقيقة في طرق كتيير اوي اني اشكر انسان و احسسه اني ممتنه لحركة لطيفة عملها و فرحني انا و **جوزي** بس مش اني ابقى مغيبة و مش حاسة بتصرفاتي و ماسكة فيه بالمنظر ده و يعني ايه لما تامر يمشي اقول ده خد قلبي و مشي و العريس واقف عادي مفيش اي احترام لشكله ولا مشاعره ولا اي حاجة هتتفرجي ازاي مع عريسك على ڤيديو فرحكم مش فاهمة الحقيقة البنات محتاجين يركزوا شوية في تصرفاتهم عشان الموضوع يكسف اوي اوي والله و فككو من كلمتين اصلها فرحانه و مش حاسة بنفسها عشان ده عيب اكتر والله اللي حصل ده وحش اوي و ده لو فرحي و انا عملت كده هتمتى الارض تتشق و تبلعني و احرق شريط الفرح عشان مفتكرش اني كنت خفيفة كده اما بقا مشهد البنت الصغيرة ده استفزني جدا حقيقي”.

وقال النشطاء ايضاً: “لو مش عايزين أو مش حابين وجود أطفال في الفرح اكتبوا كده في الدعوة إنما تيجي بنت صغيرة تقف جنبك من غير ما تعمل أي حاجه غير إنها بس فرحانه بوجود تامر تقومي تزُقيها بالطريقة دي فالبنت تتكسف وياخدوها، وأي حد بيجي جنب تامر تبعديه كده قلة ذوق بجد ! هتقولوا ده من الفرحة واللبخة، أكيد أي واحده مكانها هتكون مبسوطة لكن بغض النظر عن تامر كَفنان في الأول والآخر هو ‘راجل غريب’ عنها مش معقول تنسى وجود جوزها شخصيا عشانه ! يمكن دي حاجه مقبولة وعادية بالنسبالهم لكن حقيقي كسفة البنت وكسرة خاطرها وقت ماهي فرحانه وجعت قلبي”.